رۆزا ئامار جە وەڵاتوو سۆئیدینە جە خانەوادێوە خۆڵکوو سەرنیشتوو کوردستانی( میردین ) ئەدا بیە . رۆزا جە سۆئێدەنە رێکوزیاو ئاپۆچی جە ڕاو رەفێقەکاشۆ مژناسۆ و دماو تەمام کەردەو واناو دانشگای پێ بەشدار بیەی جە سەفوو گریلای ڕوە کەرۆ وەڵاتی و دما جار بڕیار مدۆ کە پێ سەروستەو خەباتوو ئاپۆچی ڕوە کەرۆ بەرزائیەکا هۆرامانی . رۆزا سەروو خەباتوو ژەنا پی جۆرە دوۆ ” پەنەوازەن ژەنا وەرکەوتوو کوردستانی پێ ئێستەیۆ راسی ژیواو وێشا ڕوە کەرا سەفاکا گریڵای و بەشدارێ رێزەکا ئاپۆچی با “.
رۆزا جە درێژەو قسەکاشەنە باسوو ئانەی کەرۆ ، جە وەختێ کە جە وەڵاتا ئەرووپائینە ژیوێنە ، سەروو ژیواو ژەنا ئێرانی و وەرکەوتوو کوردستانی فرە پەیجۆریش کەردەن . بە جۆرێ کە ئاڕۆ جە هیچ یاگەو جیهانی ژەنی پسۆ چێردەسی جە ئێرانەنە جە لاو سیستموو جمهووری ئیسلامی تەماشە مەکریۆ . ژیوای پێ ژەنا فرە زەحمەتا .
ئینە جە وەختێوە کە ئێران و بە تایبەت وەرکەوتوو کوردستانی جە ئاژێوە تایبەتەنە سەر بەرۆو و گەر دەرفەت دریۆ بە ژەنا ، تاوا گۆرانکاری مۆهم جە ژیواو نەتەوەکەیما بەرهەم بارا . ژەنی مشۆم جە ئا چوارچێوە کە دۆژمەنی پێ تاشتێنێ بەیا بەروو و جە رێکوزیا هۆنەری و فەرهەنگی ، سیاسی و کۆمەڵایەتی ، ژیوگەو رێکوستەو فیپسگای ئەرک گێرا وێ . عەرەکەتوو ئاپۆچی یاگێ ئا ژەنانە کە دەنگشا کپ کریا ، یاگێ ئا ژەنانە کە چێردەسەئیشا سەپنان سەرشارە . پۆچی پێ ئازادی وێشا و فیپسگای با ڕوە کەرا بەرزائیەکا و کاروانوو ئازادی بە تین تەر کەرا .
…..
