پڵاتفۆرموو هۆرام-ی بە بۆنەو ٧٥مین ساڵڕۆ جە ئەدا بیەو ڕابەر ئۆجەڵانی و ١٩ مین ساڵڕۆ ئەڕەمەرزنایرەو پژاکی و ١٠ مین ساڵڕۆ ئەڕەمەڕزنایرەو یەپەژەی بەیاننامێوەش وەڵا کردەوە .
جە وەختێنە ٧٥ مین ساڵڕۆ جە ئەدا بیەو ڕابەرئۆجەڵانی یاد کەرمێوە کە نزیکەو ٢٤ ساڵان پەێ یاوای بە ئازادی گەلەکەیما جە زینانی تاکە کەسی ئیمڕاڵینەجە وەرانوەروو سیستمە قیزەونەکا سەرمایەداریوە مدرامان کەرۆ . ڕۆ ٤-٤ و گرد ساڵێ جە تاریخوو میللەتەکەیمانە ڕوێ پرشنگدارا . ڕۆ جە ئەدا بیەو ڕابەر ئۆجەڵانی ، هام وەختا چەنی ئەڕەمەڕزنایرەو پارتوو ژیواوا ئازادو کوردستانی (پژاک) – جە ٤-٤-٢٠٠٤ و هەر پاسە ٤-٤-٢٠١٣ یەکینەکا پاڕێزناو ژەنا (یەپەژە) جە وەرسان و وەرنیشت و کوردستانینە بێیە بە وەرەتاوێ پەێ دما ئاماو ڕوە تاریکەکا وەڵاتی .
جە وەختێ ١٩ مین ساڵیادوو ئەڕەمەڕزنایرەو پژاکی و ١٠ مین ساڵڕۆ ئەرەمەڕزنایرەو یەپەژەی جە ئەنداما و لاینگەراشا هەر پاسە گرد وەڵاتپارێزێ مۆبارەکبایی کەرمێ کە جە وەرسان و کوردستانینە چێروو سێبەرەو کۆشیاو پژاکیوە ئاخێزوو ژەنی ژیوای ئازادی گردو وەرسان و کوردستانی و هەر پاسە ئێرانیش گێرتەوە و تا ئاڕۆیچ درێژەش هەن . ئاخێزێ کە بە شەهادەت و شێرین عەڵەم هووڵی و سەدان جوانێ وەڵاتی و مدرامانوو ١٥ ساڵەو زەینەب جەڵالیانێ و سەدان زینانییەتەرێ بنەڕەتش مەجیا . جە لایە تەر جە وەر نیشت و کوردستانیوە جە سێبەرەو کۆشیای و مدرامانوو هەزاران شەهید و کەم ئەندامێ بە تایبەت هێزوو ژەنا ڕۆژئاوای ( یەپەژە ) گەلەکەما جە دماو سەدان ساڵا چێر دەسەیی ڕۆ بە ڕۆ زیاتەر جە جارانی جە ئازادی یەکجاری نزیک بۆوە .
پڵاتفۆرموو هۆرام-ی چی ڕوە پیرۆزەنە ، ٧٥ مین ساڵرۆ جە ئەدا بییەو ڕابەر ئۆجەڵانی و ١٩ مین ساڵڕۆ ئەڕە مەڕزنایرەو پژاکی و ١٠ مین ساڵڕۆ ئەرەمەڕزنایرەو یەپەژەی جە ڕابەر ئۆجەڵانی ، کەس و کاروو شەهیدا ، خانەوادەو زینانیە سیاسیەکا و هەر پاسە گریڵا و شەروانا ڕاو ئازادی و گردوو ئازادیوازا پیرۆز بایی کەڕۆ . هەر پاسە ئاواتما ئانەن کە ئێساڵ بۆ بە ساڵەو ئازادی فیزیکی ڕابەر ئۆجەڵانی و سەرکەوتەو ئاخێزوو ژەنی ژیوای ئازادی جە وەرکەوتوو و وەرنیشتوو کوردستانی و ئێرانینە . ئامانجما ئانەن کە ئێساڵ بە ئیڵهام گێرتەی جە مدرامانوو ڕابەر ئۆجەڵانی جە ئیمراڵی و هێز گێرتەی جە رۆحوو ژیناکا ، میرکان و بریتانەکاوە بە یۆ گێرتەی ڕێکەوتتنامەو ڵۆزانی پەێ هەمیشە هۆرشانمێوە .
ڕاوەبەری پڵاتفۆرموو هۆرام-ی
٣-٤-٢٠٢٣
