پلاتفۆرمو ھۆرام-ی پەیامێۋی سەروەشیش بە بۆنەو شەهیدبییەو کاروان ھۆرام-ی یۆ جە کادرە دڵسۆزکاو جمیەرو ئازادی کوردستانی و کۆششکارو پلاتفۆرمەکەیشا و ڕۆچنامەوان و میدیاکار، پەیامێۋی سەرەوەشیشدا و شەهیدش بە دڵسۆزو گەل و نیشتمانی نامۍ بەرد.
پلاتفۆرمو ھۆرام-ی بە بۆنەو شەھیدبیەو ھەڤاڵ کاروان ھۆرام -ی پسۆ یۆ جە کادرە دڵسۆزکاو تەڤگەرو ئازادی کوردستانی و خەباتکارو پلاتفۆرمو ھۆرام-ی و ڕۆچنامەوان و میدیاکار، سەرەوەشی جە خانەوادەی، کەسوکار و سەرجەم ئازادیوازا کورد و کوردستانی کەرۆ. ھەر پاسە سەر ڕاسش کەرۆوە کە شەھید کاروان یۆ چا ھەڤاڵە دڵسۆزا بێ کە جە ماوەو ١٥ ساڵا خەباتینە، بێمدرای و ھیچ دوەدڵییە، پەی ئازادی گەلەکەیش کۆشیا.
یاگێ وێشەنە کە جە کەسایەتیی ئی ھەڤاڵە دڵسۆزینە، یادو گردو شەھیداو وەڵاتی بەڕز بگێرمۍ و جە وەراوەرو کۆشیای پەڕ جە زەحمەت و خەموەریشا پەی ئازادی خاک و گەلەکەیما وێما بە قەزارش وینمۍ.
سەرو ئی ڕاسیا، پێسەو پلاتۆرمو هۆرام-ی، سۆزداری وێما پەی درێژەدای بە ڕاو شەھید کاروانی و گردو شەھیداو ڕاە ئازادی کورد و کوردستانی تازە کەرمێوە و تا یاوای بە ئاواتەکاشا چرکێوە جە کۆشیای پەی ئازادی دوەدڵۍ نەبیمۍ .
شناسنامەو شەهید هۆرام-ی
نامۍ: محەمەد مالیک
ئەژناسیا بە: کاروان هۆرام
جەئەدابییەو: ژاوەرۆ/ هۆرامان- سنە
نامێ ئەڎای و تاتەی: قەتحۍ– کەریم
یاگێ و وەختو شەھیدبییەی: ١٤-٤- ٢٠٢٣/ قەندیل
