دماو ئانەی جە ئەیلوولوو ساڵۍ وەڵینێنە ژینا ئەمینییەو خەڵکوو سەقزی جە ڕاو پۊلیسوو ئەخلاقوو تارانیوە بە ئەشکەنجە کوشیا، ٥٤ پارێزنەرۍ بە ئەرەیاوناێوە هامبەش پەشتیوانیی وێشا پەی بنەیانەو ئا کناچە کورڎۍ بەروستەبۍ. ئا پارێزنەرۍ مامەڵەو کاربەدەساو حوکمەتیشا بە نایاسایی نامۍ نیابۍ، هاموەخت دۊخەکەیچشا شەرمەزار کەرڎەبۍ.
داواکاری گردین بۊکاننە واچەو چڕیەیش پەی ٥٤ پارێزنەرا کیانان. جە دەقوو داواکاریی چڕیەیەکەینە ئامان، کە ئا کەسۍ بۊنەو “وەڵاکەرڎەیۊ ڕسمی، گێرتەی ڤیدیۊیی و نویسیای دژوو بنەماکاو ئادابی گردینی بۊ ئاماڎۍ چەنەپەرسایۊ با”.
ڕۊو یەرەشەممەی وەڵینی چڕیەیەکە ڕادەسوو ئا پاڕێزنەرا کریان و دلێشنە ئامان، کە مشۊم ماوەو ٥ ڕوانە وەرڎەموو داڎگاینە بەمەبەسوو ورگێرتەی واچەو چەنەپەرسایۊ ئاماڎۍ با.
