بە ئامادەکاری کۆنگرەو نەتەوەیی کوردستانی ( ک.ن.ک ) کونفرانسێ نەتەوەیی جە ١٠٠ ساڵەو ڵۆزانی جە وەڵات و سۆئسی جە شاروو ڵۆزانی ڕێکوزیا .
پڵاتفۆرموو هۆرام-ی پسۆ یۆ جە ڕێکوزیاکا بەشدار بیە جە کۆنفرانس و سەد ساڵەو ڵۆزانی پیامێوەش واناوە . پەیامەکەو و پڵاتفۆرموو هۆرام-ی جە لاو کاک زەردەشت هۆرامی ئەداموو ڕاوەبەری پڵاتفۆرمی وانیاوە . جە پەیامەکەنە کۆشیاو ئارۆ لایانەکا بە تایبەت حزبە سیاسیەکا ڕەخنە کریا . بە جۆرێ کە حزبەکێ جیای جەم کەردەیۆ هێز و تواناکا نەتەوەکەیما چێروو چەترێنێ ، هۆکارێنێ پەێ ناتەبایی و دوور وستەیۆ خەلکی جە یۆترینی . هەر پاسە ڕەخنە جە کەنەکەی گێریا کە پێوەرێ ئینسانی و نەتەوەئیش پەێ ئا کەس و لایانا کە بەشدارێ با چەنی ڕاسی ژیواو سەردەمی یۆی گێراوە .
نمەکریو کەس و لایانێ کە خەبات و ژەنا بە کەم بزانا ، یا دەسشا بە ونەو جوانا کوردی پەێ مەنەیۆ جە دەسەڵاتی سوورەنە ، جە کۆنیشتەکا کۆنگرەی نەتەوەیی بەشدارێ با . نمەکریۆ ئیمە باسوو ڵۆزانی کەرمێ و دلێ وێمانە بەعزێ جە شناس و پێکهاتەکا نەتەوەکەیما وزمێ پەشتەو گۆشا . فرە ڕەنگی ، چاندنی و زوانی گەلەکەیما یۆ چا هۆکارانە کە تا ئاڕۆ ناستەنش ڵۆزان نەیواوۆ بە ئامانجەکا وێش . چەنی تاومێ باسووو یۆ گێرتەی نەتەوەیی کەرمێ ؟ جە وەختێنە کوردە هۆرامی ، یارسان ، ئێزئیدی ، فێڵییە چێروو دەسەڵات و پانیشتوو کوردستانی بیەییشا رووبە تاویایۆ مڵۆ . ؟ پێشنیاروو ئێمە ئانەن کە دوێ کۆمیتێ پراکتیکییە ڕیکوزیا . یۆ کۆمیتەو پارێزناو شناس و پێکهاتەکا و ئێکۆڵۆژی کوردستانی . دوهەم کۆمیتێوە کە خاڵەکا کونفرانسی یاونا ئەنجام .
چوون ئێمە نمەبۆ چەمەڕاو ئانەی بیمێ کە زڵهێزەکێ جیهانی چەنی نەخشەو دماڕۆی کێشا . ئێمە مشۆم بە ڕیکوستەو خەلکەکەیما بە تایبەت جوانا و ژەنا، پارێزناو زوان و باوڕیەکا وێما هەر پاسە پارێزناو ژیوگەو کوردستانی هام وەخت چەنی خەباتی سیاسی وێما پێ هەر ڵٶزانێ ئامادە کەرمێ . لاوازی و فۆتیاو زوانەکا و باوەریەکا کوردستانی پێ وێش بەشێن جە پەیرەو کەردەو خاڵەکا ڵۆزانی .
