وۊرکشۊپوو ژەناو ئێزدی و عەرەبی ئەرەیاونیا دەسوەڵێوزیێوە هامبەش ئەرەیاونا پەی وەڵاکەردەیۊ فیکروو ڕابەروو گەلوو کوردی عەبدوڵا ئۊجالانی تەماموو موسڵی و عێراقینە.
وۊرکشۊپوو تەڤگەروو ژەناو ئێزدی (تاژێ) و مەجلیسوو ژەنە عەرەباو شەنگالی، بە بۊنەو ٢٥ەمین ساڵیادوو پیلانگێڵنیی میاننەتەوەیی سەروو ڕابەروو گەلوو کوردی عەبدوڵا ئۊجالانیوە، بە ئەنجامنامێوە ٥ خاڵی دماییش ئاما.
وۊرکشۊپەکە بە درووشموو “ژەنی، ژیوای، ئازادی، ئێمە ئازادیی جەستەیی ڕابەر ئاپۊی مسۊگەر کەرمێ” بە بەشداریی ١٦٠ ژەنە ئێزدی و عەرەبا و چند پارێزنەرێوە عێراقی کریا. دماو قسەوباسەکا ئەنجامنامەو وۊرکشۊپەکەی وەڵا کریاوە.
ئەنجامنامەکەنە پیلانگێڵنیی میاننەتەوەیی ١٥شوباتی بەتندی شەرمەزار کریا، گەشمەرداو “شمە مەتاودۍ ڕووەکەیما تاریک کەردێ” و گەشمەرداو ٧٤ فەرمانوو سەروو ئێزدییەکا بەڕێزۊ یادۍ کریێوە.
ئەوەخوای کریانۊ، جە کەسێتیی ڕابەروو گەلوو کوردی عەبدوڵا ئۊجالانینە کۊشیای گەلە بندەسا و پڕۊژەو ئازادیی ژەنەو سەدەو ویس ویوەمی کریان ئامانج. هەرپاسە وۊرکشۊپەکەنە قسەوباس کریا دەربارەو مدرامانوو ڕابەروو گەلوو کوردی عەبدوڵا ئۊجالانی وەراوەروو هێزە پیلانگێڵنەکا. هەرمانەو وێشا دەربارەو تەمامکەردەی پڕۊسەو ئازادیی ژەنەو ڕابەروو گەلوو کوردی عەبدوڵا ئۊجالانی نرخنا.
ژەنی جەختشا کەردۊ، پارادایموو نەتەوەی دیموکراتیکی چارەسەرا پەی کێشەکا کوردستاننە و وەرکەوتوو دلێڕاسەینە و جیهاننە، واتشا پێسە ژەناو ئێزدی و عەرەبی سەرمەشقایەتیی ئی پارادایمەیە کەرا.
ژەنی ئەرەیاوناش ٢٦ەمین ساڵیادوو پیلانگێڵنیینە ماچا ئیتر وەسێن پەی سیستموو ئیمراڵی و کاتوو ئازادیی جەستەیی ڕابەروو گەلوو کوردی عەبدوڵا ئۊجالانین.
ژەنی پەنج خاڵێنە هەرمانە و وەرپەرسیی وێشا پەی کۊشیای دژوو سیستموو ئەشکەنجەو ئیمراڵی بەروزا، پەنج خاڵەکە ئینێنێ:
“1- ئێمە پێسەو ژەناو ئێزدی وێما بە قەرزارۍ ڕابەر ئاپۊی مزانمێ. ویر و فەلسەفەو ڕابەر ئاپۊی جارێوە تەر تۊموو هومێدی و ژیوای ئازادییش دلێمانە شانان. ئازادیی وێما دلۍ ئازادیی جەستەیی ڕابەر ئاپۊینە وینمێ، هەقەو ٧٤ فەرمانا و هەزاران ژەنە ئێزدییا، کە فەرمانەکانە کوشیێنۍ و گیریێنۍ و ئڕفانیێنێ، جە ئازادیی جەستەیی ڕابەر ئاپۊی و وێڕاوەبەریی شەنگالینە موینمێ. پەی یاوای پا ئامانج و هومێدەیە درێژە بە کۊشیای مدەیمێ.
2- پەی دماییئاردەی بە سیستموو ئەشکەنجەدای و وڕنای دیوارەکاو زیندانوو ئیمراڵی و مسۊگەرکەردەی ئازادیی جەستەیی ڕابەر ئاپۊی، مسۊگەرکەردەی وێڕاوەبەریی شەنگالی و چەسپنای پارادایموو نەتەوەی دیموکراتیکی، حەرچیێوەما دەس بۍ کەرمێش. پێسە تەڤگەروو ئازادیی ژەناو ئێزیدی (تاژێ) و مەجلیسوو ژەنە عەرەباو شەنگالی، جارێوە تەر، چی وۊرکشۊپەدا ئازادیی ڕابەر ئاپۊیما کەردەن ئامیانوو هەرمانۍ و خەباتی و کۊشیای و پارێزنای بییەی و شناسنامەیما. پەوکای ساڵەو ٢٦ پیلانگێڵنینە یدا وەراوەروو گرد نۊعە هجووم و ستراتیژێوە جەنگی و ئەرەگیرکاریێوەنە کۊشیای و مدرامانیما زیاتەر کەرمێ.
3- خاڵەی حەرە گرنگە وۊرکشۊپەکەنە قسێش سەرۊ کریا، وەڵاکەردەیۊ فیکر و فەلسەفە و پارادایموو ڕابەر ئاپۊی بێ. پێسە ژەناو ئێزدی-عەرەبی باسما جە ڕا و ڕێبازەکا کەرد پەی وەڵاکەردەیۊ فیکروو ڕابەر ئاپۊی شەنگالنە و دەشتەو نەینەواینە و تەماموو عێراقینە. پەی وانایۊ وەرگێرینامەکاو ڕابەر ئاپۊی، مەجلیس و ئەکادیمیاکانە، پەروەردەی زیاتەر سەروو فیکروو ڕابەر ئاپۊی وەڵۍ وزمێ. یاواینەی جە ڕابەر ئاپۊی بە وانایۊ ڕاسیی فیکروو ڕابەر ئاپۊی بۊ. پی وینایۊ گردوو پەروەردەکاما بەپاو وانایۊ وەرگێرینامەی و وردبییەیوەکاو ڕابەر ئاپۊی ڕۊشنۍ کەرمێوە.
4- پەی گەورەکەردەی کۊشیای دژوو پیلانگێڵنیی میاننەتەوەیی کە جە کەسێتیی ڕابەر ئاپۊینە دژوو گردوو گەلا و ژەنان، خەبات کەرمۍ پەی ئەرەمەرزنای کۊمیتێوە ژەنە ئێزدی-عەرەبا بە نامۍ دەسوەڵیوزی پەی ئازادیی جەستەیی ڕابەر ئاپۊی.
5-ڕابەر ئاپۊ ڕاو پارێزنای بییەی و چاند و باوڕ و شناسنامەو گەلوو ئێزدی گێڵایۊنە پەی خاکی مەبارەکینە وینۊ، ڕاو ڕاگێرتەی جە قڕکەردەی و فەرمانۍ و هەڕەشەکا، کە تا ئیساتێچ سەروو جڤاکوو ئێزدیماوە هەنی جە گەورەکەردەی هێزی و پارێزنای و مسۊگەرکەردەی وێڕاوەبەریی شەنگالینە موینۊ. ئێمەیچ پا بۊنەوە کۊشیایما مەزن کەرمۍ و پەی گێڵایۊ میللەتەکەیما پەی سەروو خاکەکەیش هەرمانە و خەبات کەرمێ”.
ئاخرۊ داوا ئۊو گرد لاێوە کەرمۍ بەشدارۍ با هەڵمەتەو ئازادیینە و هەرمانەی ویژدانییە و ئەخلاقییەشا پۊڕنا، واچا: “ئیتر وەسێن سیستموو ئیمراڵی، وەسێن نەبییەی پەیوەندیی ڕەهاو سەروو ڕابەر ئاپۊی، وەختوو ئازادیی ڕابەر ئاپۊین، وەختوو ژیواین چەنی ڕابەر ئاپۊی”.
