: بەیاننامەو پلاتفۆرموو هۆرامی بە بۆنەو بیسەمین سالرۆ تۆتەئەو جیهانی سەروو ڕابەر ئۆجەڵانی .
جە وەختێنە بیسەمین سالرۆ تۆتەئەو جیهانی سەروو ڕابەر ئۆجەڵانی سەرشەنە ملمێ کە رۆ دماو رۆی ئۆجەڵان و فەلسەفەکەش زیاتەر جە دلێ خۆلکی ئازادیواز و هەر پاسە گەلە چێر دەسەکا نامێش و ویرەکەش بەر گنۆ . سیستموو سەرمایەداری بیس سالێ چێوەڵتەر بە گردوو هێزە نیزامیەکا و هەر پاسە جاسووسیەکا وێش جە بڕفاناو ڕێبەر ئۆجەڵانی سەرکەوتەو وێشا جەژنە گێرتە . بەلام ئانە کە هەرگیز ویرشا وەنە نەکەردەبێوە ، کەسایەتی و فەلسەفەو ئۆجەڵانی بی .
سیستمی جیهانی خاس جە ویر و فەلسەفەو ئۆجەڵانی یاوابێنە کە چنە زەرەرش پێ دیکتاتۆرا ، سەرمایەداری و زڵهێزا جیهانی هەن . سەر ئا ئەساسەیە بە بڕفانایۆ و دور وستەو ئۆجەڵانی پێ جەزیرێوە پسۆ ئێمراڵی ئەجیاشا تاوا دمایی بە شۆرش و کەسایەتی تازەو وەرکەوتوو دلێراسەی و هەر پاسە جیهانی بارا . دماو بیس سالا هەر چن زیاتەر دژایەتی ئۆجەڵانی و پەکەکەی کریا ، زیاتەر جە جیهانەنە پەرەش سانا .
گەر جاران ئۆجەڵان جە چوارچۆ کوردستانی و خاوەرمیانەینە نامێش بێ ، ئارۆ جە سێبەرە مدرامان و ڕێبەر ئاپۆئ و جەنگاوەری گریڵا و شەرڤانا بە شکۆداری هێزوو ژەنا و جوانا ، فەلسەفەو ئۆجەڵانی بیەن بە را چارەۆ ئاریشەو گەڵە چێردەسەکا و ئینسانە ئازادیوازەکا .
دماو بیس سالا سەرەراو ئانەی کە نەتاواشا دەنگ و ئۆجەڵانی کپ کرا ، ئارۆ ئۆجەڵان و فەلسەفەکەش بیەن بە سەرچەمەو فرەو شۆرشەکا جیهانی ، جە وەختێنە جە یاگە جیاوازەکا جیهانی سیستموو فکری ئۆجەڵانی پێ چارەسەری پێشنیار کریۆ ، ئنە سیستموو سەرمایەداری دلێ وێشەنە ورۆ . جە لایەو تەر مدڕامان و ڕێبەر ئاپۆی بیەن بە لێرێوە پێ گەلەکەیما کە روێ باورش بە وێش نەمەنەبێ ، بەلام ئارۆ بە هەزاران ئینسانێ فیداکارێ پسۆ لەیلا گۆڤەن و هەڤاڵەکاش پێشوازی ئازادی بە بەخشای گیانوو وێشا کەرا .
پسۆ پلاتفۆرموو هۆرام-ی جە بیسەمین سالرۆ تۆتەئەو جیهانی سەروو ڕابەر ئۆجەڵانی ، سەرەراو شەرمەزاری و روو سیاوی پێ زڵهێزە جیهانیەکا و هەرێمی هەر پاسە ، سلام کیانمێ پێ ئێمراڵی و پەیمنما چەنی ویر و فەلسەفەو ڕابەر ئۆجەڵانی تا یاوای بە ئازادی یەکجاری تازە کەرمێوە . هەر پاسە داواما ئانێنە کە خۆلکوو هەرێموو هۆرامانی ئی روە سیاوەیە (١٥-٢ -١٩٩٩) بە هەر شێوە کە بۆ شەرمەزار کەرا . بە تایبەت پێشنیارما ئانەن کە جوانێ بە بەشداری جە خەبات و گریڵای هام بەشێا با جە پووچەلکەردەیۆ تۆتەئەوجیهانی سەروو ڕابەر ئۆجەڵانی .
ڕاوەبەری پلاتفۆرموو هۆرام-ی
١٤-٢-٢٠١٩٩
