بەیانیێ

هۆرام: شەهیدبیەو “ئارگەش زاگرۆس”ی خەسارێ گەورەن

پلاتفۆرمو هۆرام: شەهیدبیەو “ئارگەش زاگرۆس”ی جە ئەرەمەرزنەراو پلاتفۆرمو یارسانی خەسارێ گەورەن و درێژە بە ڕا و ڕێوازەکەیش بڎێمێ.

جە پەیامەکەو پڵاتفۆرموو هۆرام-ی ئامان

تا ئاخێزوو ئازادی ماواش درێژ تەر بۆ ئاسمان و وەڵاتی هەسێرێ زیاتەر گێڕۆ باوەش . هەوال و شەهید بیەو هەڤاڵ پەیمان شمشێری ئەژناسیا بە ئارگەش زاگرۆس یۆ جە ئەرەمەرزنەراو پڵاتفۆرموو یارسانی ئەرک و ئێمە پەێ درێژەدای بە ڕاو شەهیداما پەێ یاوای بە ئازادی گەل و نیشتمانی قۆرستەر کەرۆ . داستانەو شەهید بیەو هەڤاڵ ئارگەشی ڕاسی خەبات و مدرامان و جوانا زاگرۆسین جە وەرانوەروو مڵهۆڕا و داگیرکەران وەڵاتی . جوانێ کە جە دماو جیا ئاستەی وەڵاتی و ڕوە کەردەی رووبەو ئەرووپای دڵش سۆکناش نەگێرت . جوانێ کە زوو جە ژیوای ئازادی یاوانە و پەێ درێژەدای و سەروستەو ئاخێزوو ئازادی ئەرووپاش جیا ئاست و ڕوەش کەردەوە کەشە سەربەرزەکا کوردستانی .

ئینە ڕاسی جوانا وەڵاتێوەن کە بیەیشا جە مدرامان و ئاخێزەنە ویناوە . هەڤاڵ ئارگەش جە ماوەو ژیوایشەنە دەرسێ گەورەش پەێ پەنەیاوناو جوانا وەڵاتی پەنە دامێ . وەشەویسی پەێ ئازادی و سەربەرزی گەورەتەرا جە ئا بەهەشتە خیاڵیەی کە وەڵاتا ئەرووپایی پەێ جوانائێمەشا کێشتەن . پسۆ پڵاتفۆرموو هۆرام-ی سەرەڕاو سەرەوەشی جە خانەوادەو و کەس و کارو شەهید ئارگەش زاگرۆسی ، سەرەوەشی وێما ئاراستەو گەلەکەیما جە هەرێموو یارسانی و بە تایبەت پڵاتفۆرموو یارسانی کەرمێ . شەهید بیەو هەڤاڵ ئارگەشی نیشانێ ئێستەیۆ ڕاو راسی کۆمەڵگاو یارسانیای پەێ یاوای بە ژیوایە ئازاد . شەهید ئارگەش و گردو ئا هەڤاڵا کە چی ڕێنە گیانشا بەختکەردەن بێیە بە هێمایە بەرز و بایخدار پێ کۆمەڵگاو یارسانی بە تایبەت جوانا زاگرۆسی ، کە بە هیوایە زیاتەر ڕوە کەرا دماڕۆ ژیوایشا . ئێمەیچ پسۆ پڵاتفۆرموو هۆرام-ی پەێ سەروستەو ئامانجەکا گەلەکیەیما بە تایبەت شەهید ئارگەشی پەیمان تازە کەرمێوە و بە ڕۆحێ ئاخێزانە درێژە بە خەبات و وێما مدێیمێ .

دەسەو ڕاوەبەڕی پڵاتفۆرموو هۆرام-ی

Z