بەیانیێ

هۆرام: هامخەمێ نەوسوڎێنمێ و با خەڵکو هۆرامانی نۆسوڎێ بەتەنیا نازانێوە

پلاتفۆمو هۆرام-ی هامخەمی وێش پەی قوربایەکاو ئەوەتەقاکەو نەوسوڎێ نیشانەداو وازیارەن جە خەڵکو هۆرامانی نۆسوڎێ بەتەنیا نازانێوە و هامخەمێ و یاردیدەرێش ببانێ.

خەڵکوو وەشە ویس و هۆرامانی ، هەر پاسە کە ئاگادارێندی ڕۆ پەنجشەممەی ١٨ و خۆردادی بە بۆنەو تەقایۆ گازی چن هام وەڵاتیە خەڵکوو شاروو نۆسوڎێ گیانشا جە دەسدا و چن کەسێچ زەخمی بییە . ئینە جە وەختێوە ، ڕوانە هەواڵو کۆشتەو کۆڵبەرا ، گێرتەو مەعەڵما و هەر پاسە جە دەسداو گیانوو هام وەڵاتیا بە بۆنەو ئاژەو خراب و ڕاو و بانی خەمبارما کەرا . بە جۆری تاومێ واچمێ کە کەمتەر خەمی دەسەڵاتدار پاسەش کەردەن کە ڕوانە کارەساتێ جیاوازێ وینمێ .

کارەساتوو شارو نۆسوڎێ یۆ چا کارەساتە ناوەشانە کە گرد لایەما پەێ ڕوەدایش خەمبارێ بیەمێ . هەر پاسە کە زاندێ چن هام وەڵاتییە بە تایبەت ئەدا و زاڕۆڵێوە ، گیانشا جەدەسدان و چن کەسێ تەرێچ ئاژەو سڵامەتیشا خاس نیا . پسۆ پڵاتفۆرموو هۆرام-ی بە یاگێ وێش زانمێ، داوا جە گرد لایە بە تایبەت خەڵکوو هۆرامانی کەرمێ ، کە پەێ کەمتەر کەردەیۆ خەموو کەس و کارو گیان جەدەسدریایا و هەر پاسە کەم کەردەیۆ قۆرسایی ئابووری زامدارا ئی کارەساتەیە خەلکوو نۆسوڎێ تەنیا نازا .

خەلکوو هۆرامانی گرد وەختێ جە ڕوە وەشەکا و ناوەشەکا ژیوای بە دەسە جەم هەنگامەشا نیەنە و ئەرکوو وەڵاتپارێزی وێشا نیشانەدان . ئاڕۆیچ پەنەوازەن پەێ نیشانەداو ئی ڕاسیەیە بە هەر شێوە کە پیما کریۆ بیمێ بە دەرمانێ پەێ کەم کەردەیۆ زاموو زامدارا و هەر پاسە سەبووری و دڵ ئارامی کەس و کارو گیان جەدەسەکا ئی کارەساتەیە .

دەسەو ڕاوەبەری پڵاتفۆرموو هۆرا-ی

Z