بە بۆنەو ٧٥ مین ساڵرۆ شەهید کەردەو قازی مەحەمەد- پێشەوا
جە ڕوێ پسۆ ئارۆی یو جە ڕابەرە نامدارەکا نەتەوەکەیما ، پێشەوا قازی مەحەمەد جە لاو دەسەڵاتدارا ئێرانی جە٣١-٣-١٩٤٧ قەنارە دریا . سەڕەڕاو ئانەیە کە ئی ڕوە پەێ نەتەوەو کوردی ، ڕوێ ناوەش و ویرنەکریان . چانەی ناوەشتەر ئانەن کە جە دماو ٧٥ ساڵا کورد ، بە تایبەت لایەنە سیاسیەکێ نەتاوانشا مووچیاریەکا پێشەوای بارا یاگی . پێشەوا قازی ،وەلێ جە قەنارەدایش دوێ مووچیاریە بە قیمەتێش پەی نەتەوە کوردی جیا ئاستێ . یۆ ئانە کە تا یۆگێرتەیما نەبۆ ، هەرگیز سەر مەگنمی . دوەم ئانە ، هیچ وەخت داگیرکارێ یاگێ باوەڕی نیەنی .
بە پێچەوانەو مووچیاریەکا قازی مەحەمەدی ، لایانە سیاسیەکی کوردی جە خرابتەرین ئاژەو سیاسی وێشانە ژیوا . گەر نەیارەکا کوردستانی تاواشا وەڵات و کوردا چوار پارچە کەرا . چانەی خراپتەر لایانە سیاسیەکێ بە تایبەت دەسەڵاتدارا پانیشتوو کوردستانی نە ئانە کۆمەڵگاشا پارچە پارچە کەرد پەێ هەر چوار پارچەو کوردستانی بییە با یاگی بێ باوەڕی و بی هیوائیی .بە تایبەت پەێ جوانا کوردی . جە وەختێنە ٧٥ مین ساڵرۆ شەهید بیەو قازی مەحەمەدی یاد کەرمێوە کە لایانێ کوردی پسۆ پارتی بە ڕابەری مەسعوود بارزانی پەێ جە بەین بەردەو دەسکەوتەکا کوردی شان بە شانوو دەۆڵەتوو تورکیەی هێزی نیزامی وێشا پەێ سەروو باڕەگاکا گریڵای و هێزی دیپڵۆماسی وێشا جە بەغدادەنە پەێ رێکەوتەی چەنی حەشدی شەعبی ڕیکوستێنێ .
پسۆ پڵاتفۆرموو هۆرام-ی سەرەڕاو یاد کەردەیۆ ٧٥ مین ساڵرۆ شەهید بیەو پێشەوا قازی مەحەمەدی . پەێ سەروستەو ئاواتەکا کۆماروو کوردستانی ، پسۆ یۆ گێرتەی نەتەوەیی و وشک کەردە دەسوو داگیرکارا جە کوردستانەنە ، پەیمان تازە کەرمێوە کە بە ڕیکوستەو گەلەکەیما سەروو ئەساس و باوڕ بە وێ بیەی درێژە بە کۆشیای وێما دەیمێ . هەر پاسە ئا کە س و لایانا کە پەێ قازانجوو تاکە کەسی و خانەوادەیی پاڵشا دان نەیارا کوردستانیوە، بە نەیارا ڕاو و ئامانجەکا پێشەوای نەمری زانمێ و بە گرد شێوە کردەوە نا ئینسانی و نەتەوەئیەکاشا شەرمەزار کەرمێ .
ڕاوەبەری پڵاتفۆرموو هۆرام-ی
