وەرانوەروو هەڕەشەکا دەوڵەتو تورکی سەرو رۆژئاوای پلاتفۆرمو هۆرام-ی داواو پارێزناو دەسکەوتەکا رۆژئاوای کەرۆ. ڕژیمو فاشیستو تورکی جە کەسایەتی ئەردۆغان و ئاک پارتینە تاریخو سەذ ساڵەو فاشیزمو تورکی درێژە پەنە مذۆ.هەرپاسە کە ئیمپراتۆرو عوسمانی سەرو ونوو هەزاران ئینسانی بێ تاوانی سەذان ساڵێ حوکمش کەرد. دەسەڵاتدارو تورکیەی تازەیچ جە بەردەوامی زهنیەتو داگیرکاری و فاشیزمی سەرو ئەوەتاوناو گەلاو مەحالەکەی پێسەو ئەرمەن،کورد،ئاسوور،وگورجی تا ئارۆ بە نامێ جیێ و کەسایەتیێ جیای درێژە بە سیاسەتو داگیر کاری و کۆما کوشی گەلا مذا. بە نونگەو نزیک بیەوەی جە کۆتایی پەماننامەو سایکس پیکۆ (٢٠٢٣) ژڵێویاو دەخاڵەتو جیهانی و هەرێمی بە مەراموو ئەرەمتەرەو تەشکودیامانو تازەو وەرهۆرزو میانی ڕۆوانە بە شێوەیوی جۆراو جۆر بەرگنۆ. یاگێ داخینە کە کوردستان گەلو کوردی کەوتێنێ چەقو ئی ململانێیا،یا تاومێ واچمێ کەردەنشا بە مەذانو نیشانەداو قودرەتی وفەراوان کەردەو دەسەڵاتی فرە تەری . لایێو تەریچۆ بەردەوام بیەو ئەنەکۆشیای سەرو خەتو یەرەمی تا ئارۆ کوردش جە رۆژئاوانە جە ڕووە داو کارەساتی گەورێ پارێزنان .بەڵام زهنیەتو فاشیزمو تورکی سەرکەوتەو وێش، بەدلێنە بەردەو کورد و داگیر کەردەو کوردستانی وینۆ،ئانەن جارێو تەری ئەردۆغان و داعش بە بێ گۆش دای بە قانونە بین دەوڵەتیەکا وبە ئامانجو دلێنە بەردەو دەسکەوتەکا کوردی ئازادی جە رۆژئاوانە هێزێ فرەش ڕەوانەو مەحالەکەی کەردەن .وەختو ئانەی ئامان کە هەر کوردێ ئازادیوازی ئی هەرەشێ بە جدی گێرۆ و وەران وەروو ئی داگیرکاریەیە ساحێب هەڵوێست بۆ.
پلاتفۆرمو هۆرام-ی ،سەرەراو شەرمەزار کەردەو ئا هەرەشا ،داوا جە جواناو وەڵات پارێزیما ،بەتایبەت هەێمو هۆرامانی کەرۆ، بە هەر جۆرێ کە تاوا با بە دەنگو رۆژئاوای.رۆژئاواو ئارۆی دەسکەوتو بەرهەمو ئەنەکۆشیاو هەر چوار بەشوو کوردستانی و گەلا ئازادیوازو مەحالەکەین.سەرو ئی بنەمێ پارێزناو دەسکەوتەکا رۆژئاوای ، کە ئێژایو ئینسانی ،یەکسانی ،وەراوەری ژەن و پیای ،دیمۆکراتیک، ئێکۆڵۆژی و پێوەرە ژیواین زامنو کوردستانێو ئازاد و دیمۆکراتیکەن. جە کۆتایینە ،ئا هەرەشا ،بە تەنیا پەی سەرو رۆژئاوای نمەوینمێ و هەرەشە سەرو مەنەو نەمەنەو کوردین جە وەرهۆرزو میانینە . پەنەوازەن چی ئاژەنە بە گرد شێوەیو وێما بە ساحێبو رۆژئاوای بزانمێ و پارێزنمێش .هەرپاسە بە هەر شێوەیو کە یاردەو تێکماڕاو هەیکەلو فاشیزمو تورک و داگیرکارین هەنگامەی پراکتیکی هۆرگێرمێ .
ڕاوەبەری پلاتفۆرمو هۆرام-ی
