پلاتفۆرموو هەورام-ی بە بۆنەو ٢١مین سالڕۆ پیڵانەو دەوڵەتە زڵهێزەکا وەرانوەروو ڕابەروو گەلا بەرێز عەبداڵا ئۆجەڵانی بەیاننامێوە پی شێوە وەلا کەرۆوە . جە بەیاننامەکەنە ئۆمان :
جە وەختێنە ٢١مین ساڵرۆ پیڵانەو ١٥ شوباتی جە وەرانوەروو ڕابەر ئۆجەڵانی و کوردی ئازادی تەمام کەرمێ کە هێشتا هەرێموو وەرکەوتوو دڵێراسەی پەڕا جە قەیرانێ ، چارەسەر نەکریە . ئا قەیران و گرفتا کە بەرهەموو سیستموو دەوڵەت – نەتەوەی و نێولیبرالیزمینێ . چارەسەر نەبیەو ئا گرفتا بە شێوەی گەلمیریانە .جە لایەوە نیشانێ مۆداخڵەو زڵهێزەکا بە تایبەت سیتموو سەرمایەداری جە ژیواو سرووشتی گەڵا و پشتیوانی جە خەتوو فاشیزمین جە هەرێمەکەنە. هەر پاسە جە لایەوەتەر پەراوێز وستەو ئیرادەو گەلا هەرێمەکەین جە چارەسەری کێشەکا وێشا .
پیڵانەو ١٥ شوباتوو ١٩٩٩ وەرانوەر بە ٣٠ ڕابڕان و ١٣٧٩ وەرەتاوی ، سەرەراو ئانەی پێ کوردا پسۆ ڕوێ سیاو قەڵەم دریۆ ، جە لایەوە تەر راسی سیستموو سەرمایەداریش بە شکۆداری ئامریکای و دەوڵەتە ئەرووپائیەکا و هەر پاسە سوسیالیزمی بۆنیادنریا و روسیەیش جە وەرانوەروو واستەو گەلە چێردەسەکا و ئازادیوازا جیهانی بەر وست . جە راسینە جە کەسایەتی ڕابەر ئۆجەڵانی و پارتوو کرێکارا کوردستانی ( پەکەکە ) ، پیڵانەکێ وەرانوەرو گرد ئازادیوازێ و خەتوو مدرامانوو کوردا لوا راوە . جە حالوو ئیسەینە سیستموو نئۆ لیبرالیزمی جە لایەوە بە فشاروستەی و گۆشەگیر کەردەو ڕابەر ئۆجەڵانی پسۆ کەسایەتییە ساحێب نەقشی پێ چارەسەری ئاشتیانەو گرفتەکا و جە لایە تەر بە رێکوستەو داعشی پێ جە بەین بەردەو ئیرادەو ئازادو کوردا بە تایبەت تەڤگەروو ئازادی درێژە بە ئامانجە نگریسەکا پیڵانەکێ ١٥ شوباتوو ١٩٩٩ مذۆ.
ئیمە پسۆ پلاتفۆرموو هۆرام-ی سەرەراو شەرمەزار کەردەو پیڵانگێڵناو بەینە دەوڵەتی وەرانوەروو ڕابەر ئۆجەڵانی ، هام وەخت ئا پیڵانێ جە وەرانوەروو کوردی ئازاد و شناسوو دیموکراتیکوو گەلا وینمێ. پۆچی یاوای بە ئازادی ، یەکسانی و دیموکراسی هەر پاسە ئازاد کەردەو ڕابەر ئاپۆی بە ئەرکوو وێما زانمێ . ساحێبداری جە ئۆجەڵانی ، ساحێبداریا چا فەلسەفەو ویری دیموکراتیانەی کە ڕابەر ئۆجەڵان پسۆ نەخشە ڕێوە پێ پێوەرە ژیواو گەلا ، پارێزناو ژیوگەی ، ئازادی ئینسانەکا ، ئازادی ژەنا و ژیوای هاوبەش و یەکسان جە چوارچۆ سیستموو کۆنفدرالیزمی دیموکراتیکینە خەباتش پێ کەردەن و هێشتا جە دماو ٢١ سالا پێ ئازادی گەلەکەیش جە زینانوو ئیمراڵینە مدڕامانش هۆرچنیەن .
ڕابەر ئۆجەڵان نە تەنیا پسۆ کەسایەتییە ، بەلکوو پسۆ فەلسەفێوە و سیستمێ دیموکراتیک کە کەڵەکەش نیان ،نەقشش جە بۆنیاد نیاو کەسایەتی ساحێب ئێخڵاق و ئازاد و یۆگێرتەی کوردا بیەن . سەروو ئا خاڵا ، باورما ئانەن کە کۆشیای پێ یۆ گێرتەو نەتەوەو کوردی بە شکۆداری ژەنا ، خاستەرین پشتیوانییا جە ڕابەر ئۆجەڵانی و ئارمانجەکاش و گۆشار پي نەیارا ئازادی و نەتەوەکەیمانە .پۆجی تا یاوای بە ئازادی ئۆجەڵانی درێژە بە خەباتی دیموکراتیانەو وێما مذیمێ . سەروو ئا ئەساسەیە ، پلاتفۆرموو هۆرامی جە ۲۱مین ساڵڕۆ پیڵانەو بەینە دەوڵەتی وەرانوەروو ڕابەر ئۆجەڵانی پەیامش ئانەن کە “پارێزگاری جە ڕابەر ئۆجەڵانی پارێزگارییا جە ئازادی ، یەکسانی و گەلمیری ، پەنەوازەن گردیما دەنگوو ئازادی ڕابەر ئۆجەڵانی بێمێ “.
پلاتفرموو هۆرام-ی
١٠-٢-٢٠٢٠
