بە پاو دما ئاماروو وەزارەتوو تەعاون و کار و رەفای ئجتماعی شارە کورد و سۆنی نشینەکێ بە هێڵەو سووروو هەژاری و بێکاری نزیک بێیەنێوە . جە دما ئاماروو بیکاری شارەکا ئێرانی ، لۆرستان ، کرماشان ، کوردستان ، ورمێ ، ئیڵام ، سیستان فرەتەرین ئامار و رێژەو بێکاریشا چەنە تۆمار کریان .
فرەتەرین ئامارو بێکاری پارێزگاو کرماشانی جە پاوە تۆمار کریان کە نزیکەو ٣٠% ئامان ئەژمار . بەلام دەوڵەت جە ئاماروو رەسمی وێشەنە نیمەو ئا راسیا وزۆ بەر کە هەنێ . بە پاو ئا زانیاریا کە جە ڕاو سەرچەم ئیدارەو کاروو پاوەی یاوێنێ دەسما ، پاوەنە نزیکەو ٤٦% جە خەلکەکەیش کە ئینە عەمروو هەرمانێنە ، بێ هەرمانێنێ .
فرەتەرین بێکارێ شاروو پاوەی عەمرشا جە بەینوو ٢٤ تا ٣٤ ساڵیا . هەر پاسە دیواندەرە ، پیرانشار ، مهران ، خۆرم ئاوا رێژەو بیکاریشا جە سەروو ٤٠% تۆمار کریان . بێکاری جە شارە کوردیەکا و هەر پاسە سۆنیەکا سیستانی پاسەش کەردەن کە فرەو جوانا ڕوە بارا بە هەرمانەو کۆڵبەری . کۆڵبەری کە جە لاو دەۆڵەتیوە پسۆ کسمێ ناقانوونی تەماشە کریۆ بەشێن جە سیاسەتوو سپاو پاسدارانی پێ پەر کەردەیۆ پێداویستیەکا نیزامی . ئینە جە لایەوە کە جە سالەو ٢٠٢٠ نزیکەو ١٦٥ کەسا بە گرۆڵیەو هێزە چەکدارەکا نیزامی گیانشا جە دەسدان و ١٣٠ کەسێ زەخمی بییەنێ .
