خەبەرێ

بەیاننامەو (یونسکۆ)ی سەبارەت بە هۆرامانی .

یونسکۆ: زیاتەر جە ٥ هەزار ساڵێن هەورامیەکێ ناوچەکەنە مژیوانێ و کۆمایێ چێوی تایبەت بەوێشا هەنێ کە جیاشا کەرۆوە، درۆسکەردەی یانا، نیای دار و درەختی دلێ تەوەنا و یاگە سەختەکانە، گەلەداری و کۆچ پێ هەوارەکا، دیارتەرین جیاوازیێ ژیوا و فەرهەنگو هۆرامییەکانێ.

مەحاڵە دورەدەس و سەختەکێ هۆرامانی ماوا و شاهێدیدەرو فەرهەنگو خەڵکو هۆرامانییەنێ.
هۆرامییەکێ پێسە یۆ جە خێڵەکاو کوردی وەڵێ ٣٠٠٠ ساڵێ وەرتەر جە بیەی عیسای (زیاتەر جە ٥ هەزار ساڵێ) چا مەحاڵەنە مژیوا، کارو باخداری و هیتیاری و گەلەداری کەرانێ.
دلێ دڵو کوەکا زاگرۆسییەنە، ئوستانەکا سنەو کرماشانییەنە سەرو مەرزەکا وەرنیشتو ئێرانیۆ مژیوا، دوێ بەشینێ، دلێڕاسەو وەرکۆتۆ ژاوەرۆ و تەختا ( ئوستانو سنەیەنە)، وەرنیشتیچۆ ”لهۆن“ـا جە ( ئوستانو کرماشانی).
وێناو ژیوای خەڵکو هۆرامانی بە شێوێوا کە وێشا چنی سەختی مەحاڵەکەی ساچنان، درۆسکەردەی یانا جە یاگە لێژەکانە، نیای دار و درەختی دلێ تەوەناو یاگە سەختەکانە، گەلەداری و کۆچی کەم وەختەشا پێ هەوارەکا، دیارتەرین جیاکاریێ ژیوای و فەرهەنگو هۆرامییەکانێ کە ساڵانێوا بەپاو فەسڵەکا بەرز و نزمییەکانە ژیوای کەرا( زمسانەنە دەگاکانەو هامنەنە هەوار و دلێ مڵکەکانە)
هەمیشە مەحاڵەکەشانە مەنێنێ و ژیوایشا کەردەن، کۆمایێ چێوی تایبەت بەوێشا هەن کە جیاشا کەرۆوە و پنەش مژناسیاوە، ئی ئەوەمەنەێچە هۆرکڵاشیای سەرو تەوەنەکا، مەڕەکێ، کەنارگا و کەشەکێ، یاگە وەختی و هەمیشەییەکاشا پەی نیشتەجا بیەی، یاگەکار ، قەبرسانەکێ ، ڕاکێ ک، دەگا و قەڵا و فرە چێوێ تەرێ نەخشیێ کە بەرکۆتێنێ.
ئا ١٢ دەگا کە ئینێ پڕۆژەکەنە، سەلەمنەرێ ئانەیەنێ کە خەڵکو هۆرامانی سەربارو نەبیەی بومێ پیتێنێ پەی هیتیاری دلێ کوەکانە، تاوانشا جوابو سروشتی بڎاوە و وێشا ساچنا چن دۆروبەریشا ..

٭٭هۆرگێڵنایش جە ئینگلیزی پەی هۆرامی/ نامق هۆرامی

٭٭یاگۍ یادئاوەریەن، وێرەگاو ٣ شەممەی، جە وڵاتو (چین)ی ڕکوزیاو پەروەردە، زانست و فەرهەنگو سەر بە نەتەوەیۆگێرتەکان کە بە یونسکۆ ئەژناسیان، ٤٤ چوارەمین کۆنیشتش ئەنجامدا و جە میانشەنە سەرو دۆسیەو تۆمارکەردەی هەورامانی چوون میراتیوی جیهانی مرۆڤایەتیی قسێ و باسێ وگفتوگۆی فراوان کریا.
هەرپاسە هەورامییەکی چەمەڕێ بێنێ، یونسکۆ دۆسیەکەش پەسەند کەرد و هەورامانش پێسەو میراتیوی جیهانی مرۆڤایەتیی تۆمار کەرد.

Z